Tras probar, na saída a Cea, que o meu móbil (Nokia N70) posuía unha pantalla abondo para empregalo como navegador, hoxe, aproveitando un soporte universal que tiña tirado nun caixón, decidín montalo no manillar da miña moto. A verdade é que saíume moi ben de prezo, pois só tiven que mercar unha abrazadeira, de aceiro inoxidable, máis un par de parafusos coas súas porcas; total 1,5 E.

O soporte, de plástico, vai suxeito a abrazadeira mediante unha chapa de aluminio de 2 mm de groso. Dicir que entre a abrazadeira e o manillar leva unha goma de cámara de roda de camión, para minimizar as vibracións.

De seguido adxunto unhas cantas fotos, por se algún ten interese en montar, ademais dun móbil, algo parecido como unha PDA, un navegador, etc.

Víctor-CBF.